Papeles y electrones: Nickdutnik
 |
|
 Aurreko zutabean irakurzaletasuna bultzatzen duten webgune batzuk aipatu genituen eta zutabe hau irakurtzen duen lagun batek, adiskidetasunak eta mozkorrak ematen duten egiatitasunarekin horrela esan zigun: Eroetxeko lagunei erakutsi zieat hire zutabea eta sano barre egin diagu hire kontu. Literatura, kar-kar. Hik uste duk oraindik ere jendeak liburuak irakurtzen dituela… Idatz ezak bideo edo bideo-jokoei buruz lotsagarri geratu nahi ez baduk! Lagunei, aholkuak emateko arriskua hartu badute, kasu egin behar zaie beti. Hortxe sartu nuen bada bilatzailean “bideo onak”, —hemen, gomendioak egiten hasi aurretik, ondo dokumentatzea komeni— eta erorketak, merengez beteriko umeak, titi handiak, Pirritx, Porrotx eta Mari Motots, merengez beteriko titi handiak, merengez beteriko erorketak, Sin Chanen txilibitua, Berlusconiri muturra berotu ziotenekoa, Bushi zapata bota ziotenekoa, epaile bat auzipetutakoei loreak botatzen, bi dorre ketsu, erorketa gehiago… Lagunari bere ostatuan lekua egiteko eskatu baino lehenago esan nion: Hi, ez al zagok interneten besterik ala? © humorenlared.com |
|
¿Te has quedado con las ganas? Tienes más de 3.200 puntos de distribución de EL KARMA
Y si quieres la revista en tu casa todos los meses suscríbete
