Ezaguna da harremanak egiteko, azken garai hauetan, teknologia eta hizkuntza maneiatu behar direla, jantzita zaudetela adierazteko. Politikari buruz hitz egitea interesgarria da, eta gai falta ez duzue izango, baina tira, hori egunero egiten duzue eta oporretan bide berriak jorratu behar… Hona hemen proposatzen dizuegun puntan dauden eta egongo diren teknologia eta gailu batzuk, zuen ligatzeko aukerak handituko dituztenak:

Mugikorrentzako sistema eragileen artean badaukagu aktore berria: Firefox OS. Joer, beste bat, pentsatuko duzue, baina zer berri eskaintzen digu suzko azeria?. Alde batetik webean dago oinarrituta, eta HTML5 eta CSS3 ezagutzen baduzue aplikazioak egiteko gai izango zarete eta baliabide kontsumoa baxuagoa izango da, bateriaren iraupena luzatzeko. Info+: http://goo.gl/Nc3j8

OUYA joko kontsola berria da, crowdfunding-en bidez finantzaturik. EEBBetan salgai dago jada (99$) eta interesgarria da honako ezaugarriengatik: txikia, oso txikia da, Android sistema eragilea du bihotzean eta joko guztiak free2play dira (hasierako mailak doan eta gero ordaindu behar). Info+: https://www.ouya.tv/

Eskuak gora!!!
Leap Motion beste gailu interesgarria da. Ordenagailuaren aurrean jarri eta eskuen eta atzamarren mugimenduen bidez ordenagailuarekin elkarri eragiteko aukera ematen digu. Ez da oso garestia izango, 80$, eta Windows, Macos eta GNU/Linux-entzako egongo da. Banaketa uztailaren 22tik aurrera. Info+: https://www.leapmotion.com/.