Ez da hain pozgarria, baina, horrelako bat topatu eta gero ikustea egileek ez dutela nahikoa lan egin, euren webgunearen izenak kontrakoa iradokitzen badu ere.
Debian aipatu eta Deian izeneko morroi baten webgune pertsonalera bideratzen zaituzte. HiztegiBar aipatu eta Euskalbar ahaztu, Windows aipatu eta Windows 10 ahaztu, LibreOffice aipatu eta LibreOffice 4.2, 2014koa; azken urteotan bertsio berri asko euskaratu dituztela aipatu gabe…

Itzulpen tresna zaharkituak (neuronalen aurrekoak…) 2011ko EusLinux gogoangarri hura aipatu eta, esate baterako, urtetan berriztatu den Luberri banaketa ahaztu.

Smartphone aplikazioen bildumatxo bat ere eskaintzen dute. Azkar batean 16 bat aplikazio zenbatu ditugu. Bada aldea https://librezale.eus/wiki/AndroidEuskaraz horrekin, ehunetik gora. Lantalankoek gune hori aipa-tzen ez badute ere, euren bildumatxoa baino hamaika aldiz osatuagoa eskaintzen dute Librezale.euskoek. Horiek bai lan ta lan bilduma aberasteko.
(Más…)

Badon edo Badonk izena ez zen ulertuko. Ez dok eta badok. Ez dona eta badona…

Bazagok Afrobeata, Bertsoa, Black Metala, Bluesa, bazagon Countrya, Dance, Elektro- swinga, bazegon Elektronikoa, Esperimentala, Flamenkoa, Folk-popa, bazegok Folk-rocka, Folka, Funka, Hard-rocka, bazegon Hardcorea, Herri kanta, kanta herrikoia, Industriala, bazagon Jazza, Kantautoreak, Klasikoak, Metala, bazagon Noise-Rocka, Plazako berbeneroak, Pop-ro-cka, bazegok Pop-popa, Post-hardcorea, Post-punka, Post-rocka, bazagok Progresiboa, Punk-Oi! (Bilatu Oi! Baldorba abestiaren bertsio bikaina Rotten XIII), bazegon Punk-rocka, Punka, Rapa, bazagon Reggaea, Reggaetoia, bazagok Rock&Rolla, Rocka, Runba, bazegok Ska, bazagok Ska-rocka, bazegok Soinu-banda, bazagon Soula, bazegon Stonerra, bazagok Thrasha, bazegok Triki-popa bazagon, bazegon Trikitia, ez zagok Saltsa, ez zegon Gregoriar katurik.

Badok. Ez dona. (Más…)