Bufff, egia esateko ez neukan oso argi nondik hasi hilero zuekin konpartitzen dudan zutabe potolo hau. Eta ez da gai falta dagoelako: Hego Euskal Herrian espero genuen baina arrakasta gehiago izan duen greba orokorra izan dugu. Eguneko kronikarik interesgarriena, betiko moduan, Twitter-ren topatzen dugu (http://goo.gl/6ny8j). Urriaren 21an EAEn hauteskundeak izango ditugu, momentuz lelo nagusia «Denok EHBildu-ren aurka». Gero disfrutatu ditugu estatu polizial batek bakarrik eskaini ditzake irudi odoltsuak, Madrilen Neptuno Plazan Kongresuaren inguruan izandako kontzentrazio jendetsua eta Espainiako poliziak hemendik hainbestetan erakutsitako formak: karga basatiak, infiltratu «biolentoak», frogen fabrikazioa, probokazioak eta gezurrak. To!

Jarraitzen dugu astea estatuko aurrekontuen aurkezpenarekin, bertan mozketa sozialak ikaragarriak dira: bekak, enplegu-formazioan, enplegu-sarietan, memoria historikoan, pentsioetan .. Laburbilduz “giza” kutsua duten programak itzelezko murrizketekin eta, bitartean, Erret etxea, Barne Ministerioa eta Defentsa Ministerioan ia murrizketarik ez. Lehentasunak argi ikusten dira, antza. El Pais-ek azterketa interesgarria egin zuen: http://goo.gl/zmsWJ

Guk gurean jarraitzen dugu, Twitter azkenean euskaratu zaigu, asko ez dira enteratu baina, tira, laguntza beti eskertzen da. Iametzakoek http://www.twittereuskaraz.com/ sortu dute. Bertan euskaratzeko pausoak eta estatistikak topatuko dituzu. Ekimen interesgarria.