Vocento-ren El Correo-rena ez du barkamenik. Gaurko alean, ohiko prostituzioaz jositako publizitateaz gain, Lanbide eta DBErekin (Diru-Sarrerak Bermatzeko Errenta) egon daitezkeen ustezko iruzurrei  buruzko azaleko artikulua (+ barruko 2 orrialde) eta beste 3. orrialde bat gai bera jorra-tzeko pixkat aurrerago. Ez da salbuespena bilaketa egiten baduzue hauexek dira emaitzak: mehatxuak, iruzurrak, etorkinak… http://goo.gl/akWyW
Kontua larria da, DBEa jasotzen duten pertsonek, eskubide osoa dute legez eta kasu askotan (gehienetan esango nuke) kale gorria saihesteko aukera bakarra izaten oi da. Tamalez, gero eta jende gehiagok eskatu behar ditu, eta El Correo-ren kriminalizazio kanpaina nazkagarria izateaz aparte, hartzaileengan luzatzen duen susmoa ez du oinarririk.
Sindikatuek eta Langabetuen Asanbladek askotan salatu dituzte kanpaina hauek eta Arartekoaren aurrean ehundaka  izan dira jarritako salaketak http://goo.gl/O6pGe (eta beste honenbeste Lanbideko bulegoetan) tramitean onartzeko atzerapenak direla eta, ezeztapenak etab luze bat. Keskagarriena da bertan agertzen diren datuen igorlea, kanpaina honen bultzatzailea, Lanbide izan omen dela.
Ez bilatu enpresarien eta haien elkarteek egindako iruzurrei buruzko informaziorik, edo iruzur fiskalei buruzko artikulu mamitsuak. El Correo-n oso gutxitan ager-tzen da gaia, eta nahiko ezkutuan. Hemen, aldiz, bai: http://observatoriodelacorrupcion.blogspot.com.es/
Ah, eta borobiltzeko UPyDko Gorka Maneirori orrialde osoko perfil gozoa. Ummm, UPyD, Ynestrillas-ek argi du:  http://goo.gl/NY99N.