Softwarea euskaratzeko aleginak ez dira berriak, azken urteotan ekimen ezberdinak sortu dira maila ezberdinetan lan honi ekiteko (gure herrian ohizkoa denez, mila ekimen gauza bera egiteko, je je). Ez dizuet ezer berririk kontatuko baliabide interesgarri pare bat aipatzen badut:
http://goo.gl/zslUl Eusko Jaurlaritzak mantetzen du software biltegitxo hau, bertan gauza interes batzuk egon badaude baina, tira, zaharkituegia… Pena merezi du Xuxen zuzentzailea bertan dagoelako eta beste kontu pare bat.
http://librezale.org/ Jatorrena eta aintzindariena, hemen software librezale asko bildu gara itzulpen proiektu amankomunetan parte hartzeko, proiektuak asko dira, Openoffice, Libreoffice, Vuze/Azureus, Firefox eta abar luze bat.
http://exelearning.net/jaitsi/ Proiektu hau euskaratuta dago eta aukera polita irakaskuntza edukiak landu ahal izateko. Haiek dioten moduan: “Irakasleentzat web edukiak sortu eta argitaratzeko laguntza handiko kode irekian garatutako egiletasun tresna da”. Gehiago esango nuke nik, IMS eta SCORM 1.2 formatuan gorde ditzakezu edukiak (Moodle-ekin bateragarria) eta baita web orri nabigagarri moduan ere. Txapeau!!!
Baten batek galduko du ea zergatik hainbeste software euskaraz gero hau erabiltzen hasteko euskaraz egindako tutorialak ez ba daude… Ba, oker zaude, web gune honetan http://tutoreus.com/  tutorial batzuk topa ditzakezu, agian ez dira programa askotakoak, baina Blender bezalako 3D software erabiltzeko tutorialak euskaraz topatzeko ez da lan erreza… Baita WordPress, Firefox…
Bukatzeko badago kanpaina interesgarria bezain kuriosoa: Apple etxeko produktuak (Ipad, Iphone, Ipod,…) euskaratzeko kanpaina. Ummm, ez naiz oso Applezalea (are gehiago, ez naiz batere Applezalea) pentsatzen baitut haiek produktu filosofiaz eta praktikak Idiotak besterik ez dituela sortzen (I-diota, harrapatu duzu?). Baina, tira, ez dira produktu txarrak, jende andanak erabiltzen ditu eta gure hizkuntzan ere egon beharko lirateke (android eta linux erabili arren….). Hona hemen esteka: http://goo.gl/xHoIf