Estralurtar batzuk bisitan etorri dira eta hasi dira gure planetako animaliak aztertzen. Laster konturatu dira giza-animalia dela planetan aldaketa nabarmenenak egin dituen animalia.

Zenbait intsektu, esate baterako, talde zibilizatuagoak osatzen badute ere gizakiek kilometro koadro asko bete dituzte haien eraikuntzekin. Gainera, planetatik kanpo mezu asko bidali dituzte, gehienak nahi gabe. Aztertzeko animalia klasea.

Gizaki horien antolaketa sistema oso oinarrizkoa da. Oraindik ere elkar hitzeraino borrokatzen dira. Hain oldarkor bihurtu dira non planeta osoa hamaika aldiz suntsitzeko gai diren.
Giza-antolakuntza sisteman, edo hobeto esateko desantolaketa-sisteman, ez dituzte oinarrizko bi problemak konpondu: nola banatu lana eta nola banatu ekoitzitako. Erlamando asko dauzkate besteen lana antolatzen eta ekoitzitakoaren jabetza lor-tzen. Arrek emeek baino botere handiagoa lortu dute, azken hauek lanik inportanteenak egiten badituzte ere: umeak eta zaharrak zaindu, eraikuntza gehienetako barne antolaketa eta hornikuntza, hezkuntza, osasuna, hurrengo belaunaldien ekoizpena…

Bisitariek jakin dute eraikuntza handienak dauzkaten inguru batzuetan datorren martxoaren 8rako eme batzuek greba bat prestatzen ari direla. Haien espazio-ontzitik ea eme horiei zein superbotere bideratu pentsatzen ari dira.

Gorka Azkarate © humorenlared.com