Dena zerbitzugune galdu batean hasi zen. Lana metatua eta egun hartan goizago abiatu zen langilea. Gasolindegian gelditu zen eta depositua bete. Bihar garestiago, pentsatu zuen. Ordaindu baino lehen zerbait erostea erabaki zuen. Mostradorera solido 1, likido 1 eta gutizia 1 ordaintzera. Zerbitzariak aholkatu dio beste marka bateko gutizia. Langileak ezetz. Ez du gehiago ordaindu nahi. Orduan zerbitzariak azaldu dio, beste marka batekoa eramanez gero, berak hautatutakoa ere eraman dezakeela. Eskaintza berezia zortziakbaino lehenago. Ordaintzeko prest zeukan diruarekin 2 gutizia!

Horrela hasi zen dena. Merkatuak, hasieran, horrelako inperfekzio txikiak erakutsi zituen. Gero, material batzuen eskasiak etengabeko hazkundea gelditu zuen, ez-dakit-non gatazkak, gerrak zeudelako. Edo. Dirua egon bai, banku zentralak gero eta gehiago inprimatzeko prest, baina ekai batzuk, lehengai batzuk, erregai batzuk, merkatuan nahi beste agertu ez. Estanflazioa.

Ezagutzen Herbehereetako dike batean pitzadura bat topatu zuen umearen istorioa? Atzamar batekin estali zuen dikea konpondu zuten arte.

Gure istorioko heroiak arduradunei jakinarazi zien gasolindegiko saltzaileak informazio gehiegi partekatzen zuela. Pi-tzadura topatu, sartu zuen atzamarra eta hortxe egon zen astero 40 orduz lanean, gehi apartekoak, merkatuari eutsiz. Kolapsoa atzeratu zuen!

Gorka Azkarate © elkarma.eus