Beste adibide bat: https://labur.eus/ zureinformazioagooglen-en logea-tzen bazara (Googleko Adds Settings da, jakiteko zer nolako perfila daukan Googlek zuri buruz iragarkiak erakusteko) harrituta, izututa eta haserre bukatzeko aukera asko dituzu.

Eta zoritzarrez, pandemia honetan gero eta txarrago jartzen ari dira gauzak, telelana, software pribatiboan oinarritutako bideokonferentziak, lan taldeak, zer eginak, etab. Aukera batzuk aurrekoetan komentatu ditugu, baina ez dago soberan gogoratzea eta handitzea zerrenda hau: https://labur.eus/telelanarakosoftwarelibrea Librezaleko lagunek bildutako eta antolatutako software libre mordoa aurkituko duzu hemen.
(Más…)

Jeje, baten batek pentsatuko du izenburuak zerikusi daukala onminpresentea den Madrilgo hauteskundeetan aurkezten den alderdi fatxa batekin (eta badaude aukeratzeko), baina ez, askatasuna, gure alor informatikoan, beste esanahi asko izan ditzake. Ikaragarrizko kontrola dago amaraunean: zer ikusi, entzuk, jaso, eztabaidatu, zer nolako iritziak bultzatzen diren eta zeintzuk mantentzen dituzten isilpean, galduta, ezkutaturik… zentzuraturik.

https://labur.eus/timofonika Estatuaren aliaturik estuenak dira telekomunikazio enpresak, guztiak, baina horretan Telefonicak badu paper inportantea, alde batetik erabakitzen duten zer ikusi dezakegun (edo zer blokeatu) eta partekatzen dutelako, lotsarik gabe eta izugarrizko etekinak lortzen, gure datuak: posizionamendua, ordutegiak, erabilitako app-ak eta sareak, iraupena…: Blokeatutako webgune kopurua hirukoiztu egiten da Telefonicak astero URL berriak sartzeko baimenari esker.
(Más…)

https://labur.eus/alternatibakegonbadaude Web gune honetan, software pribatiboaren alternatibak eskeintzen dizkigute.

https://labur.eus/googlegabe Aurreko biak interesgarriak baldin badira, honek betetzen du hirukotea: Google-ik Gabeko Internet. Tresnak, zerbitzuak, alojamenduak… Alternatibak egon badaude.

Lehen aipatzen nuen bozgoragailu adimendunena, egun Amazon eta Google-n eskuetan daude ia gehienak, baina segurtasuna, pribatutasuna eta sofware librean oinarritutako alternatiba interesgarria daukagu Mycroft-en eta ekimen oso interesgarria jartzen ari da martxan EH mailan Talaios, Elhuyar eta Skura-ren eskutik euskarazko bertsioa datorren udan izan dezagun: https://labur.eus/mycroftEUS. (Más…)