Ezaguna da harremanak egiteko, azken garai hauetan, teknologia eta hizkuntza maneiatu behar direla, jantzita zaudetela adierazteko. Politikari buruz hitz egitea interesgarria da, eta gai falta ez duzue izango, baina tira, hori egunero egiten duzue eta oporretan bide berriak jorratu behar… Hona hemen proposatzen dizuegun puntan dauden eta egongo diren teknologia eta gailu batzuk, zuen ligatzeko aukerak handituko dituztenak:

Mugikorrentzako sistema eragileen artean badaukagu aktore berria: Firefox OS. Joer, beste bat, pentsatuko duzue, baina zer berri eskaintzen digu suzko azeria?. Alde batetik webean dago oinarrituta, eta HTML5 eta CSS3 ezagutzen baduzue aplikazioak egiteko gai izango zarete eta baliabide kontsumoa baxuagoa izango da, bateriaren iraupena luzatzeko. Info+: http://goo.gl/Nc3j8 (Más…)

Hilabete honetan badago berri bat datozen urteotan eragin nabarmena izango duena: ICANN erakundeak .eus domeinua onartu du. ICANN da interneteko izeneak kudeatzen duen erakundea…eta onartzen dituena. Asko kostatu da onarpen hau, jeje, ia XXX, pornoarena bezala. Orain arte oso aukera gutxi genituen: .eh domeinua ezin da erabili Saharar Herriarena baita, .es, Espainakoa, ba tira,… .eu Europakoa, gogoratzeko erraza, Bizkaian .biz (Business-tik datorren soinu jokua) erabiltzen da eta gero badaude .com .net .info .org eta abar luze bat.

Urtebete pasatu beharko da .eus domeinua erabiltzen hasteko, baina aurrerapauso ederra da euskal kulturarako, amaraunean bere presentzia indartuko baitu. Eta bai, esan dut EUSkal kultura, ez EUSkadi (Noticias Taldekoek diotenak) edo EUSkalherria (hau gaizki ez dago, hori bai).
http://www.puntueus.org/eu/ webgunean topatu dezakezu informazio guztia. (Más…)

Ez da kontu berria, baina askotan erabili ditugu amaraunean topatu ditzakegun tresnak eraldaketa bultzatzeko, edo gutxienez, salatzeko. Hona hemen adibide batzuk:
http://dontuseie.com/ Puff, Micro$oft enpresako nabigatzailea da askoren jopuntua, berdin du erabiltzaile xumea bazara edo web garapenean lan egiten duen pertsona: gorrotatzen dugu Internet Explorer (IE). Eta web gune honek eginkizun polita du: IE ez erabiltzeko komenzitzen lagundu.
http://www.upgradefromwindows8.com Windows bertsio berriak dituen arazoak ez dira txikiak: bateragarritasuna, estabilitate falta, baliabide jale amorratua, … eta interface berria. Web honetan W8tik linux-era gaurkotzeko kanpaina jarri dute martxan, eta arrakastatsua izaten ari da.
(Más…)