Bufff, egia esateko ez neukan oso argi nondik hasi hilero zuekin konpartitzen dudan zutabe potolo hau. Eta ez da gai falta dagoelako: Hego Euskal Herrian espero genuen baina arrakasta gehiago izan duen greba orokorra izan dugu. Eguneko kronikarik interesgarriena, betiko moduan, Twitter-ren topatzen dugu (
http://goo.gl/6ny8j). Urriaren 21an EAEn hauteskundeak izango ditugu, momentuz lelo nagusia «Denok EHBildu-ren aurka». Gero disfrutatu ditugu estatu polizial batek bakarrik eskaini ditzake irudi odoltsuak, Madrilen Neptuno Plazan Kongresuaren inguruan izandako kontzentrazio jendetsua eta Espainiako poliziak hemendik hainbestetan erakutsitako formak: karga basatiak, infiltratu
«biolentoak», frogen fabrikazioa, probokazioak eta gezurrak. To!
Jarraitzen dugu astea estatuko aurrekontuen aurkezpenarekin, bertan mozketa sozialak ikaragarriak dira: bekak, enplegu-formazioan, enplegu-sarietan, memoria historikoan, pentsioetan .. Laburbilduz
“giza” kutsua duten programak itzelezko murrizketekin eta, bitartean, Erret etxea, Barne Ministerioa eta Defentsa Ministerioan ia murrizketarik ez. Lehentasunak argi ikusten dira, antza. El Pais-ek azterketa interesgarria egin zuen:
http://goo.gl/zmsWJ (Más…)
Puff, hasiko gara PPk etengabe eskaintzen dizkigun “ustezko” iruzur berri batekin. Ez, ez da BEZaren igoera, lan erreforma basatia, guztion diruaz haien banka hornitu, elizari nahi duen guztia oparitzea, langile publikoei aparteko soldata lapurtu edo gure agure eta atsoei pentsioak dagokiena baino askoz gutxiago igo. Kasu honetan da astelehenetan gertatzen ari den fenomeno bitxia: erregaien salneurria jaisten da egun batez eta gainontzeko egunetan berreskuratzen du bere ohiko salneurri basatia. Kontua da, Hiru sindikatuko bozeramaile baten arabera, (http://murrizketarikez.wordpress.com/2012/12/08/gobierno-y-petroleras-juegan-con-las-pensiones/) astelehenetan Kontsumorako Prezioen Indizerako hartzen direla datuak eta hori dela eta akordio batera heldu omen dira erregaien multinazionalak eta PPko gobernua, astelehenetan prezioak jaisteko eta KPI faltsuki baxua mantentzeko. (Más…)
Ez gara gehiegirik luzatuko baina emaitzak, oro har, ez dira izan lehian egon direnen gustukoak. EAJ garaile baina 3 eserleku galduta, EHBilduk emaitza bikainak baina Gipuzkoan ez horrenbeste, PSE-EEkoek zaplastako ederra jaso dute, 9 eserleku galduta baina dimisiorik ez (tira, Rubalcabaren ildotik), PPk ere hostia ederra jaso du, 3 galduta, baina, tira, badakizue ez dutela inoiz galtzen. Aipatzekoa ere UPyD-ko troll-a jaisten eta jaisten baina eserlekua mantenduta, kaka. Ezker Batua-Berdeak-Ezker Anitza-Los verdes-IU eta ez dakit zer, ridikulu handia eginez eta Aranak dimisioa aurkeztu du. Equo? Quo Vadis? Gainontzeko datuak eta azterketarako konparazioak: 
