Nahikoa lan daukagu filosofo, matematikari klasikoak berrirakurtzen, berraztertzen. Ez zaigu astirik geratzen sare sozialetan parte hartzeko.
Sare sozialetatik, Sodomatik, ibilalditxoa egin baino lehenago, ene burua ondo babestu behar nuela pentsatu nuen. Ausardiak zuhurtasunaren aholkua behar du beti. Sare sozialetan nabigatu baino lehenago filosofiaren eta gizarte zientzia guztien argiez hornitu behar nintzela pentsatu nuen. (Más…)

Estralurtar batzuk bisitan etorri dira eta hasi dira gure planetako animaliak aztertzen. Laster konturatu dira giza-animalia dela planetan aldaketa nabarmenenak egin dituen animalia.

Zenbait intsektu, esate baterako, talde zibilizatuagoak osatzen badute ere gizakiek kilometro koadro asko bete dituzte haien eraikuntzekin. Gainera, planetatik kanpo mezu asko bidali dituzte, gehienak nahi gabe. Aztertzeko animalia klasea.
(Más…)

Garai modernoetara egokitzeko, aurreko batean monasteriora coach bat ekarri genuen. Mindfulness. Lehena: hizkuntza eguneratu beharra genuela.

Oraindik ere latinez mintzatzen garen bekatari hauek ez ginela trendy entzun behar izan genuen. Cool izateko monasteriokook marketin pixka bat behar genuela. Interneten saldu, ate ondoan vending saltoki bat inplementatu. Saltzing, zuzendu zion gure anaia batek. “Hori duk eta…” entzun behar izan zuen, “Frankfurt saltxitxak saltzing, bai, vending saltoki bat inplementatu behar duzue zuen komentu honetan. Hi izan behar haiz hemengo CEO. Just do it!”. (Más…)