Hitza lehen aldiz Venezuelako mandazain bati entzun genion. Honek hitza zuenean, atzerriko satrapa batek aurpegira jaulki zion “Zergatik ez haiz isiltzen!?” Eta Venezuelako mandazainak mandatari ahohandiari hura bota zion: “Isil hadi hi, koronabirus!”

Anekdotatxo hau herriaren memorian geratu da, mandazainak egindako beste hamaika balentria bainoago. Komunikabideek azaldu ziguten bi pertsonaien artean zegoen aldea. Bata edukazio handikoa omen, Europako jauregietan ondo hezia, bestea, ordea, kuarteletan korroskaden artean hazia. Bata nobleziaren eta tronu baten oinordeko, bestea boterea armen bidez irabazitakoa… (Más…)

Loari orduak kendu behar zutabe hau idazteko. Orduak sartu behar liburutegietan, hemeroteketan, sare sozialetan… albiste garrantzitsuenak hautatzeko eta Karmako irakurleari gaurkotasuna argitzeko.

Estreinatu berri dugun mendeko albisterik garrantzitsuena, oraingoz, Robert Sarah teologo jakintsua eta Benedictus PP. XVI, Aita Santu emeritua, elkarlanean ateratako liburuaren agerpena. (Más…)

Zutabe dohatsu hau idazteko prentsara jo ohi dugu dokumentatzeko eta, agidanez, prentsan ere Parkinsonen huskeriaren legea betetzen da.

C. Northcote Parkinson jaunak 1957ko klasikoan zera azaldu zuen: «Agendako edozein gairi eskainitako denbora, bere garrantziaren alderantzizko proportzionala da». Horretarako zentral nuklear bateko goi kontseiluko batzar formal bat irudikatu zuen. Gai-ordenako puntu potoloekin ez dira kontseilari jaunak luzatu. Teknikariek proposatu badute milioi asko balioko duen aldaketa bat, ba aurrera. Batzarra arin doa. Gai-ordenako azken puntuarekin, ordea, bizikletentzako aterpetxo bat egitea, hor bai kontseilari jaun txit goren guztiek badutela zer esan, eta puntu hori luuuze eztabaidatuko da. (Más…)