Momentu honetan zaila da zeozer idaztea Errusiak Ukranian egin duen eraso militarra/inbasioa aipatu gabe, gainera ikaskuntza tamalgarriak (eta interesanteak) atera ditzakegu honetatik. Eta espainako gobernuak Saharar herritarrekin egin duen azken traizioa daukagu gogoan, baina hurrengo alean sakonduko dugu honetan.

Hasteko jarrira politikoa: noren alde jartzen gara? Azov milizia neonazi bere armadan guztiz integraturik eta armaturik daukan Ukraniako gobernuaren alde? Opozizioa debekatu duen gobernu hori, Donbass bonbardatu eta erasotu duena? Ba ez. Eta errusiar gobernua, talde naziak babestu duena berean eta LGTBI kolektiboen aurka oso gogor erreprimitu duena? Edo adierazpen askatasuna murriztu eta zigortu duena, joera askotako ezkerzaleak oldartu duena? Bi gobernuburuek gauza batzuk daukate amankomunean: politika neoliberalak eta pribatizazioak, autoritarismo eta militarizazioa, eta oligarkiekin dituzten harreman estuak. Eta NATOri buruz zer esan? Nire jarrera EZLNrena: https://labur.eus/adierazpenzapatista.
(Más…)

Gure bolizko dorretik, munduko zalapartetatik salbu, realpolitik kontuak ikasteko aukera. Ikasi dugu, esaterako, Facebook eta Instagram kontuetatik soldadu errusiarrak akatzeko deia egin daitekeela, baina ezin dela errusiar desinformazioa zabaldu. Google sareetatik, Twitterretik-eta, ezin da propaganda zabaldu. Jakin dugu errusiarrek zentsura eta desinformazioa mal-tzur erabiltzen dutela, misil eta bonba hilgarriekin batera, ukrainar zibil errugabeak ankerki, akabatzeko. Gainera, errusiar bilau, errusiar doilor, errusiar zital, errusiar gizatxar, errusiar kiskil, errusiar mandil alaena horiek, zibilak akabatu eta gero, gainera, kexatu egiten dira ukrainar gixajoak, zibilak, emakumeak eta umeak denak, giza ezkutu gisa erabiliak direlako. Ukrainarrei defentsarako baliabideak bidaliko zaizkie, munduko herri zapaldu guztiei bidaltzen zaizkien bezala, eta errusiar bilau, errusiar doilor, errusiar eta abar alaena horiek guztiek hobe dute kontuz ibiltzea, zeren, deskuidatuz gero, talde terroristen zerrenda beltzan sartuko ditugu, eta orduan bai, orduan ikusiko dute zer merezi duten.
(Más…)