Hau jasoko duzunean Zinemaldia bukatuta egongo da, sariak banatuta eta hurrengo edizioa prestatzeko oinarriak jartzen egongo dira. Zoritxarrez aurkengo edizioak baditu 2 puntu beltz, oso deigarriak gainera: alde batetik Johnny Depp aktoreari (eta bere emazte ohiaren ustezko erasotzailea) emandako saria, ikuspuntu logikorik ez daukana, gutxienez bere kontran dauden frogak argitu arte eta, honekin lotuta, prentsaurrekoan izandako zentzura aktoreari honi buruzko galderak egiten saiatu direnean. Emakume zinegileak, feministak, kazetariak eta dezentzia apur bat daukagunok oso haserre gaude, horrelako jarrera onartezinak dira eta gainera diru publikoaz finantziatzen den ekintza kultural batean… Beste arazoa da euskara gutxieztuta dagoela, oso filme gutxi onartu/aurkeztu dira euskaraz, eta joera hau ez da zuzentzen. Eskaintza zabala eta kalitatezkoa izanda, zer dela eta jarrera hau?

Zeozer positiboarekin geratu behar bagara, filma interesgarriez aparte, Rozalen Zea Mays-ekin euskaraz abestutatako Negua joan da ta kantua izando da: https://labur.eus/RHAjJ
(Más…)

“Langileria hilik ei da, kontsumitzaile garela” abesten zuen Ruperrek The Age of Self hartan, (Robert Wyatt cover); “batzuk oso ondo ari, besteak lur jota. Ez kezkatu azkenekin, irabazleen sasoia daaa…” Leire Narbaizak Norberanismoa aipatzen zuen aurreko batean.

Kontsumitzaile edota aurreztaile. Irabazleen sasoi honetan, irabazleok bi aukera dauzkagu: irabazitakoa gastatu, kontsumitu, edo irabazitakoa gorde, aurreztu.

Erlijio eta egia berdadero bakarra dirua da. Guztiok sinesten dugu Dirua Ahalguztidunarengan. Besteek sinesten dutelako.

Dirua lastaira azpian gordez gero, etorkizunean gastatu ahal izango dugu, bai, baina betiereko inflazioak gure kapitala higatuko du. Dirua bankuan edo “lanean” jarriz gero, ordea, gure partez baten batek gure dirua inbertsio funtsetara, pentsio-planetara edo auskalo nora bideratuko du.
(Más…)